«Milan» hujumchisi Zlatan Ibragimovich «Atalanta» (0:3) jamoasidan qabul qilib olingan mag‘lubiyat haqida fikr bildirdi.

– Bugun ko‘p narsa yetishmadi. Endi o‘zimizga kelib olish eng asosiysi va keyingi o‘yinni kutishimiz kerak.

Jamoamiz biroz kuchsizlandi, chunki, asosiy tarkibning 4-5 nafar futbolchisi yetishmayapti. Lekin bu bilan o‘zimizni oqlab bo‘lmaydi. Shunda bo‘lsa-da, biz birinchi o‘rindamiz.

– Sizlar qishki chempionsizlar.

– Bu hech narsani hal qilmaydi.

– Qishki chempionlik hech narsani anglatmaydimi?

– Demak, hozircha ishlarimiz yaxshi, lekin bu hali yakun emas. Oldinda qiyin davr keladi, bizni ko‘plab uchrashuvlar kutib turibdi.

Endi o‘zimizni jismonan yaxshi his qilishimiz kerak va yuqori suratda oldinga qadam tashlashda davom etishimiz kerak, – dedi Ibragimovich Sky Sport Italia bilan suhbatda.