«Милан» ҳужумчиси Златан Ибрагимович «Аталанта» (0:3) жамоасидан қабул қилиб олинган мағлубият ҳақида фикр билдирди.
– Бугун кўп нарса етишмади. Энди ўзимизга келиб олиш энг асосийси ва кейинги ўйинни кутишимиз керак.
Жамоамиз бироз кучсизланди, чунки, асосий таркибнинг 4-5 нафар футболчиси етишмаяпти. Лекин бу билан ўзимизни оқлаб бўлмайди. Шунда бўлса-да, биз биринчи ўриндамиз.
– Сизлар қишки чемпионсизлар.
– Бу ҳеч нарсани ҳал қилмайди.
– Қишки чемпионлик ҳеч нарсани англатмайдими?
– Демак, ҳозирча ишларимиз яхши, лекин бу ҳали якун эмас. Олдинда қийин давр келади, бизни кўплаб учрашувлар кутиб турибди.
Энди ўзимизни жисмонан яхши ҳис қилишимиз керак ва юқори суратда олдинга қадам ташлашда давом этишимиз керак, – деди Ибрагимович Sky Sport Italia билан суҳбатда.
