Angliya Premyer-ligasining 20 turi doirasida «Vest Bromvich Albion» va «Manchester Siti» o‘rtasidagi uchrashuv mehmonlarning 5:0 hisobidagi g‘alabasi bilan yakunlandi. Shu tariqa, «Manchester Siti» APLda ketma-ket ettinchi g‘alabani qo‘lga kiritdi va 41 ochko bilan turnir jadvalining birinchi pog‘onasiga chiqib oldi.
APLning Tvitterdagi rasmiy sahifasida xabar qilinganidek, ligada o‘ziga xos rekord o‘rnatildi. Ya’ni, tarixda birinchi marta bir mavsumda birdan to‘qqizta jamoa «Arsenal», «Everton», «Lester», «Liverpul», «Sautgempton», «Tottenxem», «Chelsi», «MYU» va "Man Siti"lar musobaqa jadvalida allaqachon birinchi o‘rinni egallab turishga muvaffaq bo‘lishdi.
Ayni paytda APL turnir jadvalining ikkinchi pog‘onasida 40 ochko to‘plagan «MYU» bormoqd. 38 ochko jamg‘argan «Lester» esa uchinchi o‘rinda.
