Angliyaning «Manchester Yunayted» klubi kecha Premyer-liga tur o‘yini doirasida «Sheffild»ga imkoniyatni boy berib qo‘yganidan xabaringiz bor (1:2).

Uchrashuvdan so‘ng «qizil iblis» muxlislar o‘z jamoasining ba’zi o‘yinchilariga nisbatan juda qo‘pol tarzda munosabatda bo‘lishdi.

Xususan, ishqibozlar Antoni Marsyal hamda Aksel Tuanzebelarni ijtimoiy tarmoqlar orqali rasizmga oid so‘zlar bilan haqorat qilishdi. Bunga esa klub rahbariyati munosabat bildirdi.

«Biz muxlislardan qattiq ranjidik. Kechagi bahs og‘ir o‘tdi, ilk mag‘lubiyatni qabul qilib oldik. Biroq biz "qizil iblislar"miz.

Rasizmga chiday olmaymiz. Shu sababli bu kabi posterlarni muxlislardan to‘xtatishini so‘raymiz», - deydi «MYU» rahbariyati.