Англиянинг «Манчестер Юнайтед» клуби кеча Премьер-лига тур ўйини доирасида «Шеффилд»га имкониятни бой бериб қўйганидан хабарингиз бор (1:2).

Учрашувдан сўнг «қизил иблис» мухлислар ўз жамоасининг баъзи ўйинчиларига нисбатан жуда қўпол тарзда муносабатда бўлишди.

Хусусан, ишқибозлар Антони Марсьял ҳамда Аксел Туанзебеларни ижтимоий тармоқлар орқали рацизмга оид сўзлар билан ҳақорат қилишди. Бунга эса клуб раҳбарияти муносабат билдирди.

«Биз мухлислардан қаттиқ ранжидик. Кечаги баҳс оғир ўтди, илк мағлубиятни қабул қилиб олдик. Бироқ биз "қизил иблислар"миз.

Рацизмга чидай олмаймиз. Шу сабабли бу каби постерларни мухлислардан тўхтатишини сўраймиз», - дейди «МЮ» раҳбарияти.