«Sheffild Yunayted» bosh murabbiyi Kris Uaylder bugun bo‘lib o‘tadigan APL navbatdagi turi doirasida «Man Siti»ga qarshi bahs oldidan o‘z fikrini bildirdi.
«Hozirda men jamoam imkoniyatlarini past darajada baholamayapman. Chunki, raqibimizda ham muammolar yetarlicha.
Bugungi bahsni Aguero va De Bryuynelar o‘tkazib yuborishadi. Bu esa bizga g‘alaba uchun juda katta imkoniyat yaratib berishi mumkin.
"Siti" bu ikki futbolchiga qay darajada bog‘lanib qolgani joriy mavsum ular yo‘q paytlari sezilarli darajada bilinib qolyapti.
De Bryuyne va Agueroning yo‘qligidan xursandman. Hali g‘alabamiz o‘z qo‘limizda. Men bunga ishonyapman», - deydi mutaxassis.
Eslatib o‘tamiz, ikkala jamoa o‘rtasidagi bahs bugun 20:00da start oladi.
