«Manchester Yunayted» klubi sobiq futbolchisi Rio Ferdinand hujumchi Krishtianu Ronaldu «qizil iblislar» safida qay tariqa o‘sib borgani haqida fikr bildirib o‘tdi.

«Bu birdaniga yuz bermagan, lekin Ronaldu favqulodda iqtidor egasi edi, u ishqibozlarni xursand qildi. U fintlarni yaxshi ko‘rardi.

Buning uchun u mashg‘ulot paytida o‘z "nasiba"sini olgan edi. O‘shanda Rud van Nistelroy «Man Yunayted» o‘yinchisi edi va barcha gollarni u urardi. Ronaldu qanotda fint ishlatdi, Rud jarima maydoni tomon yugurdi. Krishtianu esa Nistelroyga uzatma bermadi. Natijada Rud aqldan ozdi va baqirdi: "Uning o‘rni sirkda, u maydonga tushishi kerak emas". Niderlandiyalik futbolchi maydonni tark etgan bo‘lsa, Ronaldu xafa bo‘ldi va "Nima uchun u men bilan bunday gaplashyapti?", dedi.

O‘shanda u 18 yoki 19 yoshda edi. Ba’zi yigitlar bunday voqeadan keyin o‘ziga bo‘lgan ishonchni yo‘qotib qo‘ygan bo‘lardi. Agar kimdir shunday qilishda davom etsa, lekin Ronaldu Rudning qaysidir darajada haq ekanini bilardi. Shundan keyin esa u raqamlarga, statistikalarga va gollarga qaratdi. Natijada u jahonning eng yaxshi o‘yinchisiga aylandi.

Biz uning jahlini chiqarish uchun: «Jorj Best va Devid Bekxemga taqqoslaganda, sen «MYU»ning haqiqiy yettinchi raqamli futbolchisi emassan», derdik. Uning qiyofasidan esa «Ularni qanday qilib ortda qoldirishim mumkin?», degan ma’noni o‘qish mumkin edi", – dedi Ferdinand.