«Sautgempton» ustozi Ralf Xazenxyuttl APL doirasida «Manchester Yunayted» jamoasidan qabul qilib olingan qaqshatgich zarbadan keyingi fikrlari bilan o‘rtoqlashdi.
«Futbolchimiz o‘yin boshidayoq maydonni tark etib, top-klubga qarshi o‘yinda bizni 10 kishi qoldirdi. «Manchester Yunayted»ni tabriklayman, ular gol urishdan charchashmadi. Yosh futbolchimizning ahmoqona xatosi butun o‘yinni o‘ldirdi.
Bir qator yosh futbolchilarga imkoniyat berishni xohlagandim, ayniqsa, hozir bizda tarkibda muammolar bor edi. Keyin bu qarorimdan keyin nimalar bo‘lganini ko‘rib turibsiz… 9:0 - umidsizlantiruvchi hisob.
Qo‘limizdan kelgancha harakat qildik, lekin 10 kishi bo‘lib «MYU»ga qarshilik qilish qiyin, o‘yin yakunida esa Bednarekning maydondan chetlatilishi barchasini tamom qildi.
Nima deyishim mumkin? Bu dahshat, lekin biz birinchi 9:0dan («Lester»ga qarshi bahs - tahririyat) keyin oyoqqa tura olgandik va biz bu ishni yana takrorlashimiz kerak. Biz bu mag‘lubiyatni qabul qilamiz va oldinga qadam tashlashda davom etamiz», - dedi Ralf.
