«Саутгемптон» устози Ральф Хазенхюттль АПЛ доирасида «Манчестер Юнайтед» жамоасидан қабул қилиб олинган қақшатгич зарбадан кейинги фикрлари билан ўртоқлашди.

«Футболчимиз ўйин бошидаёқ майдонни тарк этиб, топ-клубга қарши ўйинда бизни 10 киши қолдирди. «Манчестер Юнайтед»ни табриклайман, улар гол уришдан чарчашмади. Ёш футболчимизнинг аҳмоқона хатоси бутун ўйинни ўлдирди.

Бир қатор ёш футболчиларга имконият беришни хоҳлагандим, айниқса, ҳозир бизда таркибда муаммолар бор эди. Кейин бу қароримдан кейин нималар бўлганини кўриб турибсиз… 9:0 - умидсизлантирувчи ҳисоб.

Қўлимиздан келганча ҳаракат қилдик, лекин 10 киши бўлиб «МЮ»га қаршилик қилиш қийин, ўйин якунида эса Беднарекнинг майдондан четлатилиши барчасини тамом қилди.

Нима дейишим мумкин? Бу даҳшат, лекин биз биринчи 9:0дан («Лестер»га қарши баҳс - таҳририят) кейин оёққа тура олгандик ва биз бу ишни яна такрорлашимиз керак. Биз бу мағлубиятни қабул қиламиз ва олдинга қадам ташлашда давом этамиз», - деди Ральф.