Angliyaning «Manchester Siti» ustozi Xosep Gvardiola APL doirasida «Liverpul»ga qarshi bo‘ladigan o‘yindan oldin Yurgen Kloppning so‘zlariga munosabat bildirdi. Germaniyalik mutaxassis «shaharliklar» tarkibida koronavirus ko‘payib ketganligi sababli, ikki hafta mobaynida hordiq chiqarish uchun vaqt bo‘lganligini aytgandi.
«Klopp xato qildi. U taqvimga bir ko‘z yugurtirib yuborsa bo‘lardi. Bizda koronavirus aniqlanganida bir haftani o‘tkazib yubordik va keyin 14 nafar futbolchi bilan «Stemford Bridj»da o‘ynadik.
Ertaga Yurgenni ko‘rsam qachon dam olganimizni so‘rayman. Hayratdaman. Yurgendek murabbiy bunday fikr bildiradi deb o‘ylamagandim. Undan bunday so‘zlarni kutmagandim. Balki bu tushunmovchilikdir», - dedi Gvardiola matbuot anjumanida.
