Англиянинг «Манчестер Сити» устози Хосеп Гвардиола АПЛ доирасида «Ливерпул»га қарши бўладиган ўйиндан олдин Юрген Клоппнинг сўзларига муносабат билдирди. Германиялик мутахассис «шаҳарликлар» таркибида коронавирус кўпайиб кетганлиги сабабли, икки ҳафта мобайнида ҳордиқ чиқариш учун вақт бўлганлигини айтганди.

«Клопп хато қилди. У тақвимга бир кўз югуртириб юборса бўларди. Бизда коронавирус аниқланганида бир ҳафтани ўтказиб юбордик ва кейин 14 нафар футболчи билан «Стэмфорд Бридж»да ўйнадик.

Эртага Юргенни кўрсам қачон дам олганимизни сўрайман. Ҳайратдаман. Юргендек мураббий бундай фикр билдиради деб ўйламагандим. Ундан бундай сўзларни кутмагандим. Балки бу тушунмовчиликдир», - деди Гвардиола матбуот анжуманида.