«Manchester Siti» «Liverpul» ustidan qozonilgan muvaffaqiyat orqali o‘zining g‘alabali seriyasini 14 taga yetkazib oldi.

«Shaharliklar» oxirgi marta dekabr oyida «Vest Brom» bilan durang o‘ynagan edi (1:1). Ushbu vaqt oralig‘ida jamoa 37 gol urib 4 ta o‘tkazib yuborgan.

Ushbu natija bosh murabbiy Pep Gvardiolaning butun faoliyatidagi eng yaxshi natijasi hisoblanadi. U bundan oldin «Bavariya»da qatorasiga 13 o‘yinni yutib chiqqan edi.

Ayni dam «Man Siti» APL turnir jadvalida 50 ochko bilan peshqadamlik qilmoqda.