Yurgen Klopp Chempionlar Ligasining “RB Leypsig“ga qarshi o‘yin oldidan fikrlari bilan o‘rtoqlashdi.

“Bu yangi sinov, biz maydonga chiqib, yuz foizlik imkoniyatimizni ishga solishimiz kerak. "RB Leypsig“ - ajoyib murabbiy va futbolchilarga ega yaxshi jamoa.

Biz bunday jamoaga qarshi o‘yinda ijobiy natija qayd etishga tayyormiz. “Liverpul“ning so‘nggi natijalariga qaramay, bizda ko‘plab ijobiy tomonlar bor edi deb o‘ylayman.Biz raqibga qarshi haqiqiy kurash taklif etamiz“- deydi Klopp.

Ma’lumot uchun, tomonlar o‘rtasidagi Chempionlar Ligasi 1/8 finalining birinchi uchrashuvi ertaga, Vengriyaning Budapesht shahrida bo‘lib o‘tadi.

Uchrashuvni Slavko Vinchich boshchiligidagi Sloveniyalik hakamlar jamoasi boshqarib boradi. Yordamchi hakamlar Tomas Klanchnik va Andraj Kovachich. VAR uchun mas’ul hakam italiyalik Massimiliano Iratti, zaxira hakami Matey Yug.