Юрген Клопп Чемпионлар Лигасининг “РБ Лейпциг“га қарши ўйин олдидан фикрлари билан ўртоқлашди.

“Бу янги синов, биз майдонга чиқиб, юз фоизлик имкониятимизни ишга солишимиз керак. "РБ Лейпциг“ - ажойиб мураббий ва футболчиларга эга яхши жамоа.

Биз бундай жамоага қарши ўйинда ижобий натижа қайд этишга тайёрмиз. “Ливерпул“нинг сўнгги натижаларига қарамай, бизда кўплаб ижобий томонлар бор эди деб ўйлайман.Биз рақибга қарши ҳақиқий кураш таклиф этамиз“- дейди Клопп.

Маълумот учун, томонлар ўртасидаги Чемпионлар Лигаси 1/8 финалининг биринчи учрашуви эртага, Венгриянинг Будапешт шаҳрида бўлиб ўтади.

Учрашувни Славко Винчич бошчилигидаги Словениялик ҳакамлар жамоаси бошқариб боради. Ёрдамчи ҳакамлар Томас Кланчник ва Андраж Ковачич. VAR учун масъул ҳакам италиялик Массимилиано Иратти, захира ҳаками Матей Юг.