Bundesliganing 21 turidan o‘rin olgan to‘qnashuvda "Bavariya" o‘z maydonida "Arminiya"ni qabul qildi. Ancha murosasiz va gollarga boy o‘tgan bahs 3:3 hisobidagi jangovar durang bilan nihoyalandi.
Dastlab, "Arminiya" Noyer darvozasiga ikkita to‘p yo‘llab, hisobda ustunlikka ega chiqqan bo‘lsa, keyinchalik Levandovski o‘z goli bilan oradagi farqni qisqartirdi. So‘ngra, uchinchi golni xam qabul qilib olgan myunhenliklar o‘zlariga kelib, Tolisso va Devisning gollari evaziga hisobni 3:3 ko‘rinishga olib kelishdi. Ushbu hisob bahs oxirigacha saqlanib qoldi va tomonlar bir ochkodan bo‘lishib odishdi.
Shu tariqa, "Bavariya" bugungacha 49 ochko jamg‘argan holda turnir jadvalidagi peshqadamlikni davom ettirmoqda. Kuchli raqibdan ochko ishlab olishga muvaffaq bo‘lgan "Arminiya" esa 18 ochko bilan 16 o‘rinni band etgan.
"Bavariya" – "Arminiya" 3:3 (0:2, 3:1) «Alyans-Arena»
Gollar: 0:1 – 9 Vlap, 0:2 – 37 Piper, 1:2 – 48 Levandovski, 1:3 – 49 Gebauer, 2:3 – 57 Tolisso, 3:3 – 69 Devis.
"Bavariya" – Noyer, Sarr (Kimmix, 58), Zyule, Lyuka Ernandes, Devis, Alaba, Tolisso, Shupo-Moting, Levandovski, Koman, Sane.
"Arminiya" – Ortega, Bryunner, Nilsson, Piper, Barrett-Laursen, Pritl, Doan (Gebauer, 41), Vlap (Kordova, 62), Kunse, Foglzammer (Zoyfert, 62), Klos (van der Xorn, 89).
Ogohlantirishlar:
Tolisso (78), Kunse (80).
