Бундеслиганинг 21 туридан ўрин олган тўқнашувда "Бавария" ўз майдонида "Арминия"ни қабул қилди. Анча муросасиз ва голларга бой ўтган баҳс 3:3 ҳисобидаги жанговар дуранг билан ниҳояланди.
Дастлаб, "Арминия" Нойер дарвозасига иккита тўп йўллаб, ҳисобда устунликка эга чиққан бўлса, кейинчалик Левандовски ўз голи билан орадаги фарқни қисқартирди. Сўнгра, учинчи голни хам қабул қилиб олган мюнҳенликлар ўзларига келиб, Толиссо ва Дэвиснинг голлари эвазига ҳисобни 3:3 кўринишга олиб келишди. Ушбу ҳисоб баҳс охиригача сақланиб қолди ва томонлар бир очкодан бўлишиб одишди.
Шу тариқа, "Бавария" бугунгача 49 очко жамғарган ҳолда турнир жадвалидаги пешқадамликни давом эттирмоқда. Кучли рақибдан очко ишлаб олишга муваффақ бўлган "Арминия" эса 18 очко билан 16 ўринни банд этган.
"Бавария" – "Арминия" 3:3 (0:2, 3:1) «Альянц-Арена»
Голлар: 0:1 – 9 Влап, 0:2 – 37 Пипер, 1:2 – 48 Левандовски, 1:3 – 49 Гебауэр, 2:3 – 57 Толиссо, 3:3 – 69 Дэвис.
"Бавария" – Нойер, Сарр (Киммих, 58), Зюле, Люка Эрнандес, Дэвис, Алаба, Толиссо, Шупо-Мотинг, Левандовски, Коман, Сане.
"Арминия" – Ортега, Брюннер, Нильссон, Пипер, Барретт-Лаурсен, Притль, Доан (Гебауэр, 41), Влап (Кордова, 62), Кунце, Фогльзаммер (Зойферт, 62), Клос (ван дер Хорн, 89).
Огоҳлантиришлар:
Толиссо (78), Кунце (80).
