Xabaringiz bor, “Navbahor” PFKning “Telegram”dagi rasmiy kanali orqali jamoamiz logotipini tanlash bo‘yicha so‘rovnoma o‘tkazdik. Ikki kun mobaynida – 20 fevral soat 16:00gacha davom etgan so‘rovda muxlislar e’tiboriga 6 turdagi logotip taqdim etilib, ulardan birini tanlash imkoniyati berildi.

So‘rov yakunlariga to‘xtaladigan bo‘lsak, unda jami 1810 kishi qatnashdi. Ishtirokchilarning 53 foizi 6-variantga ovoz berishdi, ya’ni amaldagi logotipning saqlanib qolishi tarafdori ekanliklarini bildirishdi.

1-variant 14 foiz ovoz to‘plagan bo‘lsa, 4-variantdagi logotipga 12 foiz qatnashchi ovoz berdi. 5, 3 va 2-variantlar mos ravishda 9, 8 va 4 foizdan ovoz to‘pladi.

“Navbahor” PFK matbuot xizmati.