Хабарингиз бор, “Навбаҳор” ПФКнинг “Телеграм”даги расмий канали орқали жамоамиз логотипини танлаш бўйича сўровнома ўтказдик. Икки кун мобайнида – 20 февраль соат 16:00гача давом этган сўровда мухлислар эътиборига 6 турдаги логотип тақдим этилиб, улардан бирини танлаш имконияти берилди.

Сўров якунларига тўхталадиган бўлсак, унда жами 1810 киши қатнашди. Иштирокчиларнинг 53 фоизи 6-вариантга овоз беришди, яъни амалдаги логотипнинг сақланиб қолиши тарафдори эканликларини билдиришди.

1-вариант 14 фоиз овоз тўплаган бўлса, 4-вариантдаги логотипга 12 фоиз қатнашчи овоз берди. 5, 3 ва 2-вариантлар мос равишда 9, 8 ва 4 фоиздан овоз тўплади.

“Навбаҳор” ПФК матбуот хизмати.