Rossiya chempionatining bahorgi mavsumi boshlandi. Premyer-liganing 20-turi doirasida "Ximki" klubi o‘z uyida "Ufa"ni qabul qildi.

Birinchi bo‘limning dastlabki 10 daqiqasida tomonlar bittadan golli vaziyatni yaratishdi. Ammo yakuniy zarbaga aniqlik yetishmadi.

Ikkinchi taymning dastlabki daqiqalari "Ximki" uchun omadli keldi. Dastlab Muhammad Konte hisobni ochgan bo‘lsa, oradan 13 daqiqa o‘tib Glushakov hisobdagi farqni oshirdi.

Bahsning 74-daqiqasida esa mezbonlar futbolchisi Ilya Kuxarchuk ikkinchi sariq kartochkani olib, maydonni tark etdi. "Ufa" esa o‘yinga qo‘shib berilgan daqiqalarda burchak zarbasidan so‘ng bitta to‘pni kiritishga muvaffaq bo‘ldi.

Darvoqe, Oston O‘runov ikkinchi bo‘lim boshida zaxiradan maydonga tushirildi va o‘yin oxiriga qadar harakat qildi. Ammo "Ufa" mag‘lubiyatdan qutulib qola olmadi.

Rossiya chempionati, 20-tur
Ximki – Ufa 2:1 (0:0, 2:1)
Gollar: 1:0 – 49 Konate, 2:0 – 62 Glushakov, 2:1 – 90 Kamilov.
Ximki – Lantratov, Tixiy, Filin, Danilkin, Idovu, Troshechkin (Kamishev, 83), Bojenov, Kuxarchuk, Glushakov, Mirzov (Mogileves, 90), Konate.
Ufa – Belenov, Nikitin, Morozov, Pliyev, Mrzlyak, Kamilov, Golubev (O‘runov, 46), Yokich, Tabidze (Sisuyev, 85), Andrich, Jamaletdinov.
Ogohlantirishlar: Kamilov (7), Kuxarchuk (21), Bojenov (34), Troshechkin (40), Konate (60).
Chetlatish: Kuxarchuk (74).