Россия чемпионатининг баҳорги мавсуми бошланди. Премьер-лиганинг 20-тури доирасида "Химки" клуби ўз уйида "Уфа"ни қабул қилди.

Биринчи бўлимнинг дастлабки 10 дақиқасида томонлар биттадан голли вазиятни яратишди. Аммо якуний зарбага аниқлик етишмади.

Иккинчи таймнинг дастлабки дақиқалари "Химки" учун омадли келди. Дастлаб Муҳаммад Конте ҳисобни очган бўлса, орадан 13 дақиқа ўтиб Глушаков ҳисобдаги фарқни оширди.

Баҳснинг 74-дақиқасида эса мезбонлар футболчиси Илья Кухарчук иккинчи сариқ карточкани олиб, майдонни тарк этди. "Уфа" эса ўйинга қўшиб берилган дақиқаларда бурчак зарбасидан сўнг битта тўпни киритишга муваффақ бўлди.

Дарвоқе, Остон Ўрунов иккинчи бўлим бошида захирадан майдонга туширилди ва ўйин охирига қадар ҳаракат қилди. Аммо "Уфа" мағлубиятдан қутулиб қола олмади.

Россия чемпионати, 20-тур
Химки – Уфа 2:1 (0:0, 2:1)
Голлар: 1:0 – 49 Конате, 2:0 – 62 Глушаков, 2:1 – 90 Камилов.
Химки – Лантратов, Тихий, Филин, Данилкин, Идову, Трошечкин (Камишев, 83), Боженов, Кухарчук, Глушаков, Мирзов (Могилевец, 90), Конате.
Уфа – Беленов, Никитин, Морозов, Плиев, Мрзляк, Камилов, Голубев (Ўрунов, 46), Йокич, Табидзе (Сисуев, 85), Андрич, Жамалетдинов.
Огоҳлантиришлар: Камилов (7), Кухарчук (21), Боженов (34), Трошечкин (40), Конате (60).
Четлатиш: Кухарчук (74).