Italiya A Seriyasining 24-turi doirasida “Verona“ o‘z maydonida “Yuventus“ni qabul qildi. “Mark Antonio Bentegodi“ o‘yingohida kechgan bahsda mezbonlar bir ochko ishlab olishga muvaffaq bo‘lishdi.

Birinchi bo‘limda darvozalar ishg‘ol etilmadi. Ikkinchi taym boshida esa Ronaldo hisobni ochdi. Keyinchalik, taymning ikkinchi qismida maydon egalari muvozanatni tiklashdi. Shu tariqa bahs so‘nggiga qadar hisob o‘zgarmadi va jamoalar 1 ochkodan bo‘lishib olishdi.

Bugungi natijadan so‘ng “Yuventus“ 46 ochko to‘plagan holda uchinchi pog‘ogadan joy oldi. 35 ochko to‘plagan “Verona“ esa tzqqizinchi o‘rinda bormoqda.
"Verona" – "Yuventus" 1:1 (0:0, 1:1) «Mark Antonio Bentegodi»

Gollar: 0:1 – 49 Ronaldu, 1:1 – 77 Barak.

"Verona" – Silvestri, Dimarko (Lazovich, 52), Manyani, Gyunter, Faraoni (Davidovich, 84), Barak, Ilich (Velozu, 46), Dzakkani (Bessa, 84), Sturaro (Ronaldu Viyeyra, 68), Lovato, Lazanya.

"Yuventus" – Shchensni, Demiral, Aleks Sandro, de Ligt, Kulusevski, Rabyo, Bentankur, Kyeza (Di Pardo, 86), Remzi (Makkenni, 68), Bernardeski, Ronaldu.

Ogohlantirishlar:
Remzi (18), de Ligt (33), Barak (45), Davidovich (90).