Xalqaro Olimpiya qo‘mitasi Avstraliyaning Brisben shahrini 2032 yilgi Olimpiya o‘yinlarining mezboni bo‘lishga eng munosib nomzod sifatida tanlaganligi ma’lum bo‘ldi.
Ikki yil muqaddam XOQ yozgi va qishki Olimpiya o‘yinlarini tashkil etish uchun buyurtma berish tartibini soddalashtirdi. Ayni paytda Olimpiadani o‘tkazish ham soddalashtirilib, uning xarajatlari kamaytirilmoqda.
2032 yilgi Olimpiya o‘yinlari mezboni to‘g‘risida hozircha uzil-kesil qaror qabul qilinmagan bo‘lsa ham amalda boshqa nomzodlar – Doha, Jakarta, Budapesht va Germaniyaning Reyn-Run mintaqasi o‘z umidlari bilan xayrlashishlari mumkinligi aytilmoqda.
Brisben – Kvinslend shtatining ma’muriy markazidir, aholisi 2 million kishiga yaqin. Uni “yangi dunyo shahri” deb ham atashadi.