«Liverpul» bosh murabbiyi Yurgen Klopp Yevropa chempionlar ligasi nimchorak final bosqichidan o‘rin olgan «RB Leypsig»ga qarshi o‘yin arafasida o‘z fikrini bildirib o‘tdi.

«Men besh ming marta aytdim, agar muxlislar stadionga kirmasa, biz futbolni bunchalik yaxshi ko‘rmagan bo‘lardik. Bizga ishqibozlar yetishmayapti. Bizning stadiondagi muhitni jahonning uncha-muncha stadionlarida topish qiyin. Yomon natijalar uchun bu o‘zimizni oqlash emas, ammo muxlislar bizga qiyin pallada yordam bergan bo‘lardi. Tomoshabinlarning stadionga qaytishini intizorlik bilan kutyapman.

Chorshanba kuni bizda shunday imkoniyat yuzaga kelishidan xursandman. Ushbu mavsumda bizda yaxshi davrlar bo‘ldi: «shporlar», «Vest Xem». Asosiy muammomiz barqarorlik namoyish eta olmayotganimizda.

Chempionlar ligasida esa yaxshi ketyapmiz. «Leypsig»ning dinamikasi esa boshqacha. Jamoa ichki chempionatda so‘nggi 4ta o‘yinda g‘alaba qozondi. Ammo avvalgi natijalar bu o‘yinga ta’sir ko‘rsatmaydi.

Nima uchun biz Chempionlar ligasida g‘olib chiqishimiz mumkin? Buning ikkita sababi bor: birinchidan, bizning darajamiz, ikkinchidan, futbol shunday o‘yin. Senda hamisha navbatdagi o‘yinda g‘alaba qozonish imkoniyati mavjud. Biz faqat dastlabki bo‘limni o‘tkazdik, endi ikkinchi taym kutib turibdi. Men bunga shubha qilmayman. Talab etilganidek jang qilamiz», — dedi Klopp UYEFA matbuot xizmatiga bergan intervyusida.

«Liverpul» safarda o‘tkazilgan dastlabki o‘yinda 2:0 hisobida g‘alaba qozondi. Mersisaydliklar javob bahsi Budapeshtda o‘tkazishadi.