«Ливерпуль» бош мураббийи Юрген Клопп Европа чемпионлар лигаси нимчорак финал босқичидан ўрин олган «РБ Лейпциг»га қарши ўйин арафасида ўз фикрини билдириб ўтди.

«Мен беш минг марта айтдим, агар мухлислар стадионга кирмаса, биз футболни бунчалик яхши кўрмаган бўлардик. Бизга ишқибозлар етишмаяпти. Бизнинг стадиондаги муҳитни жаҳоннинг унча-мунча стадионларида топиш қийин. Ёмон натижалар учун бу ўзимизни оқлаш эмас, аммо мухлислар бизга қийин паллада ёрдам берган бўларди. Томошабинларнинг стадионга қайтишини интизорлик билан кутяпман.

Чоршанба куни бизда шундай имконият юзага келишидан хурсандман. Ушбу мавсумда бизда яхши даврлар бўлди: «шпорлар», «Вест Хэм». Асосий муаммомиз барқарорлик намойиш эта олмаётганимизда.

Чемпионлар лигасида эса яхши кетяпмиз. «Лейпциг»нинг динамикаси эса бошқача. Жамоа ички чемпионатда сўнгги 4та ўйинда ғалаба қозонди. Аммо аввалги натижалар бу ўйинга таъсир кўрсатмайди.

Нима учун биз Чемпионлар лигасида ғолиб чиқишимиз мумкин? Бунинг иккита сабаби бор: биринчидан, бизнинг даражамиз, иккинчидан, футбол шундай ўйин. Сенда ҳамиша навбатдаги ўйинда ғалаба қозониш имконияти мавжуд. Биз фақат дастлабки бўлимни ўтказдик, энди иккинчи тайм кутиб турибди. Мен бунга шубҳа қилмайман. Талаб этилганидек жанг қиламиз», — деди Клопп УЕФА матбуот хизматига берган интервьюсида.

«Ливерпуль» сафарда ўтказилган дастлабки ўйинда 2:0 ҳисобида ғалаба қозонди. Мерсисайдликлар жавоб баҳси Будапештда ўтказишади.