«Atletiko» Madrid kecha La Liganing qoldirilgan uchrashuvi doirasida «Atletik» bilan bahs olib bordi va 2:1 hisobidagi irodali g‘alabaga erishdi.
Ushbu muvaffaqiyat jamoa bosh murabbiyi Diyego Simeone uchun umumiy hisobdagi 309 si hisoblanib, argentinalik mutaxassis bunga 514 ta o‘yin sarfladi. Simeone bu natijasi bilan klub tarixida eng ko‘p g‘alabaga erishgan murabbiyga aylandi. U bu yo‘lda Luis Aragonesni (612 o‘yinda 308 g‘alaba) ortda qoldirdi.
Eslatib o‘tamiz, Diyego klub bosh postiga 2011 yilda kelgan bo‘lib, murabbiy bu orada bir martadan La Liga, Superkubok va mamlakat kubogi, shuningdek, ikki marta Yevropa ligasida zafar quchgan.
