«Ajdarlar» Superliganing 2-turida Olmaliqning AGMK jamoasini qabul qiladi. Ushbu bahs 14 mart kuni Qarshidagi «Markaziy» stadionida bo‘lib o‘tadi. Bellashuv soat 18:30 da boshlanadi.
O‘zaro uchrashuvlar tarixidan
Jamoalar O‘zbekiston chempionatida shu vaqtga qadar 28 bor kuch sinashishgan. Bo‘lib o‘tgan 14 uchrashuvda «ajdarlar», 5 o‘yinda esa «konchilar» zafar quchishgan. 9 uchrashuvda esa durang natija qayd etilgan.
To‘plar nisbati 44:25 ga teng. Ustunlik vakillarimiz tarafida.
O‘zaro uchrashuvlarda qayd etilgan eng yuqori hisoblar quyidagicha: «Nasaf» – AGMK 4:0, AGMK – «Nasaf» 2:0.
Jamoalar so‘nggi o‘zaro uchrashuvni 2020 yili 21 oktyabr kuni Qarshida o‘tkazgan. Bu uchrashuvda vakillarimiz 2:0 hisobida g‘alaba qozonishgan. Uchrashuvdagi gollarga Marko Stanoyevich hamda Oybek Bozorovlar mualliflik qilishgan.
E’tiboringizga, jamoalar ishtirokidagi so‘nggi besh uchrashuvning natijalarini havola qilamiz:
21.10.2020 Nasaf – AGMK 2:0
02.07.2020 AGMK — Nasaf 2:1
30.09.2019 AGMK — Nasaf 2:1
26.04.2019 Nasaf — AGMK 4:0
25.11.2018 Nasaf — AGMK 2:2
