Angliya Premyer Ligasi 28-turi doirasida «Manchester Yunayted» 14 mart, yakshanba kuni o‘z maydonida Londonning «Vest Hem»ini qabul qildi.

O‘yin taqdiri 53-daqiqada kiritilgan gol bilan hal bo‘ldi. Brunu Fernandeshning burchakdan uzatgan to‘pi mehmonlar vakili Kreyg Dousonga tegib darvozadan joy oldi.

Natijada Ole Gunnar Sulsher shogirdlari avtogol evaziga uch ochkoni qo‘lga kiritdi. Ushbu g‘alabadan so‘ng «Manchester Yunayted» ochkolari sonini 57 taga yetkazib, musobaqa jadvalida yana 2-o‘ringa qaytdi. 3-o‘rindagi «Lester» hisobida esa 56 ochko mavjud. «Vest Hem» bo‘lsa 48 ochkosi bilan 5-o‘rinda qoldi. APL musobaqa jadvalida 71 ochkoga ega «Manchester Siti» yaqqol peshqadam bo‘lib turibdi.

APL, 28-tur bahsi
14 mart, yakshanba
«Manchester Yunayted»—«Vest Hem»
Gol: 1:0 – 53, avtogol Douson.
«Manchester Yunayted» – Henderson, Lindelyof, Maguayr, Uan-Bissaka, Shou, Maktominey, Brunu Fernandesh, Jeyms, Fred, Reshford, Grinvud.
«Vest Hem» – Fabianski, Kressuell, Douson, Soufal, Jonson (Benrahma, 62), Rays, Nobl (Lansini, 62), Bouen, Souchek, Diop, Antonio.
Ogohlantirishlar: Uan-Bissaka (35), Maktominey (49), Reshford (76), Jeyms (90).