"Chelsi" bosh murabbiyi Tomas Tuxel London jamoasining yozda yangi hujumchi sotib olishi mumkinligi haqida fikr bildirdi.
«Yozgi transfer oynasi o‘z ixtiyorimizdan tashqari boshqa, yangi variantlar haqida o‘ylash vaqti. "Chelsi"da biz mamnun bo‘lgan va o‘z imkoniyatlarini to‘liq ishga solish uchun turli xil usullarni izlayotgan futbolchilar bor.
Umuman olganda, men xursandman, chunki biz nafaqat ularning o‘yinlariga, balki jamoaga qo‘shgan hissasiga ham e’tibor beramiz. Albatta, har bir hujumchida yoqimsiz statistika mavjud. Bunday bosimlarni yengish uchun esa har kimning o‘z mentaliteti bo‘lishi kerak.
Yigitlar doimiy ravishda gol urishga intilishar ekan, biz hamisha g‘alabalar va sovrinlardan umid qilamiz, ammo bu oson emas. Biz ularga yanada yaxshi imkoniyatlar yaratishdan to‘xtamaymiz», - deydi germaniyalik mutaxassis.
