"Челси" бош мураббийи Томас Тухель Лондон жамоасининг ёзда янги ҳужумчи сотиб олиши мумкинлиги ҳақида фикр билдирди.
«Ёзги трансфер ойнаси ўз ихтиёримиздан ташқари бошқа, янги вариантлар ҳақида ўйлаш вақти. "Челси"да биз мамнун бўлган ва ўз имкониятларини тўлиқ ишга солиш учун турли хил усулларни излаётган футболчилар бор.
Умуман олганда, мен хурсандман, чунки биз нафақат уларнинг ўйинларига, балки жамоага қўшган ҳиссасига ҳам эътибор берамиз. Албатта, ҳар бир ҳужумчида ёқимсиз статистика мавжуд. Бундай босимларни енгиш учун эса ҳар кимнинг ўз менталитети бўлиши керак.
Йигитлар доимий равишда гол уришга интилишар экан, биз ҳамиша ғалабалар ва совринлардан умид қиламиз, аммо бу осон эмас. Биз уларга янада яхши имкониятлар яратишдан тўхтамаймиз», - дейди германиялик мутахассис.