"Navbahor"ga qarshi bahsdan so‘ng Ro‘ziqul Berdiyev uchrashuv haqida o‘z fikrini bildirdi.
"Bizning o‘yindagi rejamiz, himoyadagi rejamiz amalga oshdi. Yigitlarga aynan shuni uqtirgandik. Faqat vaziyatlarni golga aylantira olmadik. Golli vaziyatlarni inobatga olsak, mezbonlardan yaxshiroq vaziyatlarga ega bo‘ldik. To‘pni ham biz nazorat qildik.
"Navbahor"ning yuqoridan oshirgan uzatmalari biz uchun ayni muddao bo‘ldi. Biz yaxshi himoyalanishni rejalashtirgandik, buni uddaladik. Hujumda oqsadik. Bugun har ikki jamoa ochko yo‘qotdi, deb hisoblayman.
Dilshod Saitov umumiy guruhga qo‘shildi. Uni asta-sekin safga qaytishini ta’minlaymiz. Ungacha ixtiyorimizdagi futbolchilar xizmatidan foydalanamiz. Bir xil tarkib bilan butun mavsumni o‘tkazish og‘ir. Zaxiramiz torligi ham pand bermoqda", - deydi Berdiyev.
