"Навбаҳор"га қарши баҳсдан сўнг Рўзиқул Бердиев учрашув ҳақида ўз фикрини билдирди.

"Бизнинг ўйиндаги режамиз, ҳимоядаги режамиз амалга ошди. Йигитларга айнан шуни уқтиргандик. Фақат вазиятларни голга айлантира олмадик. Голли вазиятларни инобатга олсак, мезбонлардан яхшироқ вазиятларга эга бўлдик. Тўпни ҳам биз назорат қилдик.

"Навбаҳор"нинг юқоридан оширган узатмалари биз учун айни муддао бўлди. Биз яхши ҳимояланишни режалаштиргандик, буни уддаладик. Ҳужумда оқсадик. Бугун ҳар икки жамоа очко йўқотди, деб ҳисоблайман. 

Дилшод Саитов умумий гуруҳга қўшилди. Уни аста-секин сафга қайтишини таъминлаймиз. Унгача ихтиёримиздаги футболчилар хизматидан фойдаланамиз. Бир хил таркиб билан бутун мавсумни ўтказиш оғир. Захирамиз торлиги ҳам панд бермоқда", - дейди Бердиев.