Yevropa va Jahon chempionati formatiga kelgusi musobaqadan boshlab jiddiy o‘zgartirish kiritilishi mumkin.

Ya’ni, endi bu kabi turnirlarning har ikki yilda bir marta o‘tkazilish ehtimoli mavjud. Bu haqda FIFA prezidenti Janni Infantino xabar beradi.

«FIFAning istalgan idea uchun eshiklari ochiq. Biz bu kabi takliflarni albatta ko‘rib chiqamiz, har bir detaligacha inobatga olamiz. Albatta, ikkiyillik tizimni batafsil muhokama qilish zarur.

Yaqin oylar ichida qarorni chiqaramiz. Bu yerda futbolchilarning holatiga birinchi o‘rinda e’tibor beriladi», - deydi Infantino.

Eslatib o‘tamiz, nufuzli musobaqalarning har ikki yilda o‘tkazilishi bo‘yicha taklif bilan avval Arsen Venger ham chiqqan edi.