Европа ва Жаҳон чемпионати форматига келгуси мусобақадан бошлаб жиддий ўзгартириш киритилиши мумкин.
Яъни, энди бу каби турнирларнинг ҳар икки йилда бир марта ўтказилиш эҳтимоли мавжуд. Бу ҳақда ФИФА президенти Жанни Инфантино хабар беради.
«ФИФАнинг исталган идеа учун эшиклари очиқ. Биз бу каби таклифларни албатта кўриб чиқамиз, ҳар бир деталигача инобатга оламиз. Албатта, иккийиллик тизимни батафсил муҳокама қилиш зарур.
Яқин ойлар ичида қарорни чиқарамиз. Бу ерда футболчиларнинг ҳолатига биринчи ўринда эътибор берилади», - дейди Инфантино.
Эслатиб ўтамиз, нуфузли мусобақаларнинг ҳар икки йилда ўтказилиши бўйича таклиф билан аввал Арсен Венгер ҳам чиққан эди.
