O‘zbekiston terma jamoasi bugun Toshkentda Iroqqa qarshi o‘rtoqlik uchrashuvini o‘tkazadi. Poytaxtimizda yig‘in o‘tkazayotgan iroqliklarning darvozaboni Jalol Hasan o‘yin oldidan o‘z fikrini bildirib o‘tdi.

"Toshkentdagi ob-havo ideal darajada. Bu esa bizning mashg‘ulotlarga ijobiy ta’sir ko‘rsatmoqda. O‘zbekiston terma jamoasiga qarshi o‘rtoqlik uchrashuvi, shubhasiz, biz uchun foydali. Jahon chempionati yo‘llanmasi uchun bizni muhim bahslar kutib turibdi. Shu bois, O‘zbekistonga qarshi muhim o‘yinni intizorlik bilan kutyapmiz.

O‘yinchilar jiddiy tayyorgarlik ko‘rishmoqda. Har bir futbolchi o‘zining nimalarga qodirligini ko‘rsatishga harakat qilishmoqda. Boz ustiga, ba’zi yosh o‘yinchilar o‘zlarini ko‘rsatishga intilishmoqda. Tabiiyki, yig‘inda barchaga imkoniyat beriladi. Kim yaxshi formada bo‘lsa, o‘sha maydonga tushiriladi", — dedi Jalol Hasan.