Ўзбекистон терма жамоаси бугун Тошкентда Ироққа қарши ўртоқлик учрашувини ўтказади. Пойтахтимизда йиғин ўтказаётган ироқликларнинг дарвозабони Жалол Ҳасан ўйин олдидан ўз фикрини билдириб ўтди.

"Тошкентдаги об-ҳаво идеал даражада. Бу эса бизнинг машғулотларга ижобий таъсир кўрсатмоқда. Ўзбекистон терма жамоасига қарши ўртоқлик учрашуви, шубҳасиз, биз учун фойдали. Жаҳон чемпионати йўлланмаси учун бизни муҳим баҳслар кутиб турибди. Шу боис, Ўзбекистонга қарши муҳим ўйинни интизорлик билан кутяпмиз.

Ўйинчилар жиддий тайёргарлик кўришмоқда. Ҳар бир футболчи ўзининг нималарга қодирлигини кўрсатишга ҳаракат қилишмоқда. Боз устига, баъзи ёш ўйинчилар ўзларини кўрсатишга интилишмоқда. Табиийки, йиғинда барчага имконият берилади. Ким яхши формада бўлса, ўша майдонга туширилади", — деди Жалол Ҳасан.