Madridning "Real" klubi uchun bu mavsum omadsiz yakunlanib, jamoa mavsum oxirida birorta ham sovrin qo‘lga kirita olmasa "qaymoqranglilar" murabbiyi Zinedin Zidan jamoani tark etishi mumkin.
AS nashrining xabar berishicha, argentinalik Maurisio Pochettino PSJga murabbiy bo‘lishi madridliklar rejalarini o‘zgartirib yuborgan. Chunki, Pochettino Zizu o‘rniga asosiy davogar edi. Shunday qilib, Peres boshchiligidagi rahbariyat oldida ikkita variant qoldi. Birinchisi – Germaniya terma jamoasi bosh murabbiyi Yoaxim Lyov, u yozda Bundestimni tark etadi. Ikkinchisi – "Real"ning yoshlar jamoasi bosh murabbiyi va jamoa afsonasi Raul Gonsales Blanko. U 2019 yildan beri "Kastiliya" murabbiyi hisoblanadi.
Eslatib o‘tamiz, "qirollik klubi" ayni vaqtda La Ligada 28 o‘yindan so‘ng 3-o‘rinni egallab turibdi. Shuningdek, klub hali YECHLda yurishini davom ettirmoqda.
