"Paxtakor" bosh murabbiyi Piter Xyuistra "Metallurg" bilan bahsdan keyin matbuot anjumanida ishtirok etdi.

"Birinchi bo‘limni yaxshi o‘tkazdik. Raqibda goldan tashqari deyarli boshqa vaziyat bo‘lgani yo‘q. Ikkinchi bo‘limda qizil kartochka olganimizga qaramasdan, g‘alabani saqlab qoldik.

Aprel oyida bizni katta va qiyin uchrashuvlar kutmoqda. Kuchli raqiblar bilan o‘yinlarda barcha futbolchilarga imkoniyat beriladi. Yosh futbolchilardan ayrimlari o‘zlarini ko‘rsatib ulgurishdi. OCHL ularga tajribalarini oshirish uchun ajoyib imkoniyat.

Qizil kartochkalar, asabiy holat kuzatiladigan o‘yinlarda ehtiyotkor bo‘lish kerak. Krimets qizil olgan vaziyatda oddiy o‘yin holati edi. O‘tgan yili OCHLda ikkita qizil kartochka olganimiz yodimda. Mana shunday vaziyatlar o‘ziga xos saboq bo‘ladi.

Raqib yaxshi pressing qildi, taktik jihatdan aqlli harakat qildi. O‘yindan qoniqdim. Zaxiradan maydonga tushganlar ham yaxshi taassurot qoldirdi. Har doim harakatda bo‘lishimiz kerak. Biz bundan ancha yaxshiroq o‘ynay olamiz", — dedi Piter Xyuistra.