Diyor Imomxo‘jayev milliy chempionatimizdagi yangi tizim haqida gapirdi.

"Bu yildan boshlab Soca-Cola Superliga musobaqasi uchun futbolchi va rasmiylarni elektron ro‘yxatdan o‘tkazishni yo‘lga qo‘ygandik.

Kecha AGMK — Navbahor va Paxtakor — Metallurg uchrashuvlarida start list hamda qaydnomani elektron yangi tizimda to‘ldirishni testdan o‘tkazdik. Bunga qadar komissar har bir futbolchi, rasmiy, hakamlar brigadasi va boshqa ko‘rsatkichlarni kompyuterda terib chiqqan bo‘lsa, endilikda bularning barini bir onda bajarish imkoniyati vujudga keldi.

Ya’ni, start list va qaydnoma uchun bungacha yarim soat yoki undan ko‘p vaqt sarf etilgan bo‘lsa, endilikda buning barini 5 daqiqa ichida amalga oshirish imkoniyati yuzaga keladi", - deydi mutaxassis.