Диёр Имомхўжаев миллий чемпионатимиздаги янги тизим ҳақида гапирди.
"Бу йилдан бошлаб Сoca-Cola Суперлига мусобақаси учун футболчи ва расмийларни электрон рўйхатдан ўтказишни йўлга қўйгандик.
Кеча АГМК — Навбаҳор ва Пахтакор — Металлург учрашувларида старт лист ҳамда қайдномани электрон янги тизимда тўлдиришни тестдан ўтказдик. Бунга қадар комиссар ҳар бир футболчи, расмий, ҳакамлар бригадаси ва бошқа кўрсаткичларни компьютерда териб чиққан бўлса, эндиликда буларнинг барини бир онда бажариш имконияти вужудга келди.
Яъни, старт лист ва қайднома учун бунгача ярим соат ёки ундан кўп вақт сарф этилган бўлса, эндиликда бунинг барини 5 дақиқа ичида амалга ошириш имконияти юзага келади", - дейди мутахассис.
