Italiya A seriyasining 29-turi doirasida Turin derbisi bo‘lib o‘tdi. «Torino» va «Yuventus» jamoalari o‘rtasidagi o‘yinda jangovar durang qayd etildi.

Bahsning 13-daqiqasida Federiko Kyeza chiroyli zarba bilan hisobni ochgan bo‘lsa, 27-daqiqada Sanabriya hisobni tenglashtirdi.

Ikkinchi taymning ilk hujumida esa yana o‘sha Antonio Sanabriya mezbonlarni oldinga olib chiqdi.

O‘yin tugashiga 10 daqiqa qolganida Ronaldu muvozanatni tiklagan gol muallifiga aylandi. Sanabriya "xet-trik"ka erishishi mumkin edi, ammo Shchesni seyv namoyish etib, "Yuventus"da bir ochkoni saqlab qoldi.

Mazkur ochko yo‘qotishdan keyin "Yuve"ning chempionlik uchun imkoniyatlari ancha pasaydi, ehtimol, Pirloning kursisi ham qimirlab qolgan bo‘lishi mumkin. "Keksa sinyora" endi YECHLga yo‘llanma beruvchi dastlabki 4 o‘rindan birini egallash uchun harakat qiladi.

Italiya A seriyasi, 29-tur
Torino – Yuventus 2:2 (1:1, 1:1)
Gollar: 0:1 – 13 Kyeza, 1:1 – 27 Sanabriya, 2:1 – 46 Sanabriya, 2:2 – 79 Ronaldu.
Torino – Sirigu, Ansaldi, Isso, Bremer, Voyvoda, Mandragora, Rinkon (Lukich, 66), Verdi (Bazelli, 87), Buonjorno, Sanabriya, Belotti (Dzadza, 72).
Yuventus – Shchensni, Aleks Sandro (Rabyo, 87), Danilo (Remzi, 71), Kyellini, de Ligt, Bentankur, Kulusevski (Bernardeski, 71), Kuadrado, Kyeza, Morata, Ronaldu.
Ogohlantirishlar: Ansaldi (42), Rinkon (59), Kuadrado (68), Sanabriya (83), Mandragora (88), Bernardeski (90).