Angliya Premer Ligasining 30-turi doirasidagi markaziy uchrashuvlardan birida "Lester Siti"  o‘z maydonida "Manchester Siti" jamoasini qabul qildi. Tengma-teng kurashlar ostida kechgan qarama-qarshilikning dastlabki bo‘limida hisob ochilmadi. Ikkinchi taymning 58-daqiqasiga kelib "shaharliklar" futbolchisi Benjamin Mendi "tulkilar" darvozasini ishg‘ol qilib jamoasini oldinga olib chiqqan bo‘lsa, 74-daqiqada  Gabriel Jezus  hisobni 0:2 ko‘rinishiga keltirib qo‘ydi. Mazkur hisob uchrashuv oxirigacha boshqa o‘zgarmadi. 

Shunday qilib, ishonchli hisobda g‘alaba qozongan "shaharliklar" 74 ochko to‘plagan holda, 1-o‘rinni mustahkamladi. O‘z uyida imkoniyatni boy bergan "tulkilar" 56 ochko bilan 3-pog‘onani band etgan.

"Lester" – "Manchester Siti" 0:2

"King Pauer" stadioni

Gollar: 0:1 – 58 Mendi, 0:2 – 74 Gabriel Jezus.

"Lester" – Shmeyxel, Fofana, Evans, Kastan, Tilemans, Amarti, Olbrayton (Rikardu Pereyra, 71), Ndidi (Mendi, 83), Peres, Vardi, Ixeanacho (Meddison, 72).

"Manchester Siti" – Ederson, Ruben Diash, Uoker, Mendi, Laport, Fernandinyo, Rodri, de Bryuyne (Foden, 88), Marez (Ferran Torres, 79), Aguero (Sterling, 63), Gabriel Jezus.

Ogohlantirishlar: Ndidi (32), Ederson (73), Fernandinyo (82), Amarti (87), Rodri (90).