Англия Премер Лигасининг 30-тури доирасидаги марказий учрашувлардан бирида "Лестер Сити"  ўз майдонида "Манчестер Сити" жамоасини қабул қилди. Тенгма-тенг курашлар остида кечган қарама-қаршиликнинг дастлабки бўлимида ҳисоб очилмади. Иккинчи таймнинг 58-дақиқасига келиб "шаҳарликлар" футболчиси Бенжамин Менди "тулкилар" дарвозасини ишғол қилиб жамоасини олдинга олиб чиққан бўлса, 74-дақиқада  Габриэл Жезус  ҳисобни 0:2 кўринишига келтириб қўйди. Мазкур ҳисоб учрашув охиригача бошқа ўзгармади. 

Шундай қилиб, ишончли ҳисобда ғалаба қозонган "шаҳарликлар" 74 очко тўплаган ҳолда, 1-ўринни мустаҳкамлади. Ўз уйида имкониятни бой берган "тулкилар" 56 очко билан 3-поғонани банд этган.

"Лестер" – "Манчестер Сити" 0:2

"Кинг Пауэр" стадиони

Голлар: 0:1 – 58 Менди, 0:2 – 74 Габриэл Жезус.

"Лестер" – Шмейхель, Фофана, Эванс, Кастань, Тилеманс, Амарти, Олбрайтон (Рикарду Перейра, 71), Ндиди (Менди, 83), Перес, Варди, Ихеаначо (Мэддисон, 72).

"Манчестер Сити" – Эдерсон, Рубен Диаш, Уокер, Менди, Лапорт, Фернандиньо, Родри, де Брюйне (Фоден, 88), Марез (Ферран Торрес, 79), Агуэро (Стерлинг, 63), Габриэл Жезус.

Огоҳлантиришлар: Ндиди (32), Эдерсон (73), Фернандиньо (82), Амарти (87), Родри (90).