“Nasaf” – “Turon” uchrashuvdan so‘ng bo‘lib o‘tgan matbuot anjumanining ikkinchi qismidan qarshiliklar bosh murabbiyi Ro‘ziqul Berdiyev ishtirok etdi va jurnalislarning savollariga javob berdi.

"Mavsumdagi ilk g‘alaba bilan muxlislarimizni tabriklayman. Har doim sifatli o‘ynashga harakat qilamiz. Raqibimiz ko‘proq himoyaviy o‘yin qilib, bizni asabiylashtirishlari mumkinligini futbolchilarga ta’kidlagandik. Bugun shoshilmay, o‘z o‘yinimizdan chetga chiqmasdan harakat qilishimiz kerak edi. Futbolchilar buni yaxshi uddalay olishdi. Ko‘rdinglar, raqib dastlabki 20-25 daqiqada munosib qarshilik ko‘rsata oldi. Birinchi goldan so‘ng hammasi o‘zgarib ketdi va ustunlik biz tomonga o‘tdi.

O‘ylaymanki, Oybek Bozorovning jarohati jiddiy emas. U bizga keyingi o‘yinlarda kerak.

Dilshod Saitovning chap qanotga tushirilishi reja o‘zgargani bilan bog‘liq emas. Uning o‘zidan so‘raganimda "brovka" (burchak)ga yaqinroq joyda o‘ynashini aytdi. Balki oldinga borishga eringandir.

"Turon" ochiq futbol ko‘rsatdi, demagan bo‘lardim. Faqat birinchi goldan so‘ng ularning rejalari o‘zgarib ketdi", - deydi Ro‘ziqul Berdiyev.