Birmingemda Angliya Premyer-ligasining 30-tur uchrashuvi bo‘lib o‘tdi. Unda «Aston Villa» «Fulxem»ni qabul qilib, 3:1 hisobida zafar quchdi.
Birinchi bo‘limda darvozalarga gol kiritilmadi. Ammo, ikkinchi taymda jamoalar yanada ochiq futbol namoyish etishdi. Dastlab, Serbiya terma jamoasi safida uchta uchrashuvda beshta gol urgan Aleksandr Mitrovich o‘z goli bilan mehmonlarni hisobda oldinga olib chiqdi.
Shundan so‘ng, mezbonlar nafaqat muvozanatni tiklash balki, g‘alaba qozonish uchun ham kuch topdilar. Trezege 3 daqiqada ichida dubli qayd etgan bo‘lsa, Uotkinsning goli o‘yinga nuqta qo‘yib berdi. Yakunda, hisob 3:1 birmingemliklar foydasiga.
Ushbu g‘alaba «Aston Villa»ga 44 ochko to‘plab, turnir jadvalida to‘qqizinchi pog‘onaga ko‘tarilish uchun zamin yaratdi. Bugungacha 26 ochko jamg‘argan «Fulxem» esa quyi, o‘n sakkizinchi o‘rinda bormoqda.
«Aston Villa» – «Fulxem» 3:1 (0:0, 3:1) «Villa Park»
Gollar: 0:1 – 61 Mitrovich, 1:1 – 78 Trezege, 2:1 – 81 Trezege, 3:1 – 87 Uotkins.
«Aston Villa»– Martines, Targett, Konsa, Mingz, Kesh, El-Gazi (Trezege, 62), Makginn, Sanson (Devis, 67), Duglas Luis (Remzi, 74), Traore, Uotkins.
«Fulxem» – Areolya, Tete, Andersen, Ayna, Adarabioyo, Loftus-CHik (Madja, 83), Dekordova-Rid, Lemina (Onoma, 83), Rid, Lukman (Kavaleyru, 47), Mitrovich.
Ogohlantirishlar:
Duglas Luis (15), Andersen (16), Dekordova-Rid (74).
