Бирмингемда Англия Премьер-лигасининг 30-тур учрашуви бўлиб ўтди. Унда «Астон Вилла» «Фулхэм»ни қабул қилиб, 3:1 ҳисобида зафар қучди.
Биринчи бўлимда дарвозаларга гол киритилмади. Аммо, иккинчи таймда жамоалар янада очиқ футбол намойиш этишди. Дастлаб, Сербия терма жамоаси сафида учта учрашувда бешта гол урган Александр Митрович ўз голи билан меҳмонларни ҳисобда олдинга олиб чиқди.
Шундан сўнг, мезбонлар нафақат мувозанатни тиклаш балки, ғалаба қозониш учун ҳам куч топдилар. Трезеге 3 дақиқада ичида дубли қайд этган бўлса, Уоткинснинг голи ўйинга нуқта қўйиб берди. Якунда, ҳисоб 3:1 бирмингемликлар фойдасига.
Ушбу ғалаба «Астон Вилла»га 44 очко тўплаб, турнир жадвалида тўққизинчи поғонага кўтарилиш учун замин яратди. Бугунгача 26 очко жамғарган «Фулхэм» эса қуйи, ўн саккизинчи ўринда бормоқда.
«Астон Вилла» – «Фулхэм» 3:1 (0:0, 3:1) «Вилла Парк»
Голлар: 0:1 – 61 Митрович, 1:1 – 78 Трезеге, 2:1 – 81 Трезеге, 3:1 – 87 Уоткинс.
«Астон Вилла»– Мартинес, Таргетт, Конса, Мингз, Кэш, Эль-Гази (Трезеге, 62), Макгинн, Сансон (Дэвис, 67), Дуглас Луис (Рэмзи, 74), Траоре, Уоткинс.
«Фулхэм» – Ареоля, Тете, Андерсен, Айна, Адарабиойо, Лофтус-Чик (Маджа, 83), Декордова-Рид, Лемина (Онома, 83), Рид, Лукман (Кавалейру, 47), Митрович.
Огоҳлантиришлар:
Дуглас Луис (15), Андерсен (16), Декордова-Рид (74).
