«Barselona» La Liganing 29 turi doirasida, «Kamp Nou»da «Valyadolid»ni kichik, 1:0 hisobida mag‘lubiyatga uchratdi. Uchrashuvdagi yagona golga 90 daqiqada Usman Dembele mualliflik qildi.
Ushbu natijadan so‘ng, «Barselona» La Liga doirasidagi ketma-ket 19 o‘yinda ham mag‘lub bo‘lmadi va bu borada kuchli beshlik chempionatlari klublari ichida eng yaxshi natija qayd etdi.
Ayni paytda ushbu ko‘rsatgich joriy mavsum TOP-5 ligalaridagi eng uzoq davom etgan mag‘lubiyatsiz seriya bo‘lib turibdi.
Qayd etish mumkin, ayni paytda Kataloniya klubi 65 ochko bilan La Liga turnir jadvalida 2-o‘rinni egallab, peshqadam «Atletiko»dan 1 ochko ortda qolmoqda. Uchinchi pog‘onadan esa bugungacha 63 ochko jamg‘argan «Real Madrid» o‘rin olgan.
