«Барселона» Ла Лиганинг 29 тури доирасида, «Камп Ноу»да «Вальядолид»ни кичик, 1:0 ҳисобида мағлубиятга учратди. Учрашувдаги ягона голга 90 дақиқада Усман Дембеле муаллифлик қилди.
Ушбу натижадан сўнг, «Барселона» Ла Лига доирасидаги кетма-кет 19 ўйинда ҳам мағлуб бўлмади ва бу борада кучли бешлик чемпионатлари клублари ичида энг яхши натижа қайд этди.
Айни пайтда ушбу кўрсатгич жорий мавсум ТОП-5 лигаларидаги энг узоқ давом этган мағлубиятсиз серия бўлиб турибди.
Қайд этиш мумкин, айни пайтда Каталония клуби 65 очко билан Ла Лига турнир жадвалида 2-ўринни эгаллаб, пешқадам «Атлетико»дан 1 очко ортда қолмоқда. Учинчи поғонадан эса бугунгача 63 очко жамғарган «Реал Мадрид» ўрин олган.
