«Yuventus» darvozaboni Janluiji Buffon Turin klubida o‘ynashni davom ettirishi mumkin.
Klub rahbariyati 43 yoshli Buffonni saqlab qolmoqchi va futbolchining o‘zi bu variantdan mamnun. Darvozabonning «Yuventus» bilan shartnomasi 2021 yilning yozida o‘z nihoyasiga etadi.
Joriy mavsumda Buffon A Seriyada 6 o‘yin o‘tkazib, uch marta darvozasi dahlsizligini saqlab qoldi.
Oldinroq u o‘zining o‘yin amaliyotini saqlab qolish uchun «Atalanta» yoki «Napoli» futbolchisiga aylanishi mumkinligi haqida xabar berilgandi.
Shuningdek, italiyalik mutaxassis o‘zining professional faoliyatini boshlagan «Parma»ga qaytishga tayyorligi haqida mish-mishlar tarqaldi.
