«Milan» A Seriyaning bir mavsumida eng ko‘p mehmonda g‘alaba qozonish bo‘yicha klub rekordini yangiladi.

10-aprel, shanba kuni A Seriyaning 30-turidan o‘rin olgan «Parma» - «Milan» uchrashuvi bo‘lib o‘tdi. O‘yin, 3:1 hisobi bilan rossonerilar foydasiga hal bo‘ldi.

Milan klubi Italiya chempionatining joriy mavsumida safarda 13-g‘alabasini qo‘lga kiritdi va bu borada klub rekordini yangiladi.

Bundan tashqari, «Milan» ushbu mavsumda barcha musobaqalardagi 16 ucharashuvda mehmonda g‘alaba qozongan. Jamoa so‘nggi bor bunday natijaga 1992/93 va 2014/15 yillarda erishgan.

Ma’lumot uchun, «Milan» ayni paytda Italiya chempionati turnir jadvalida 63 ochko bilan, «Inter» dan 8 ochko ortda va uchinchi o‘rinni egallab turgan «Yuventus» dan 4 ochko oldinda joylashgan.