Italiya A Seriyasining 30-turi doirasidagi "Inter" va "Kalyari" jamoalari o‘rtasidagi uchrashuv yakunlandi. Mazkur bahsda "nedarruzilar" qiyin g‘alabaga erishishdi. Garchi, raqibiga qaraganda, mazmunliroq o‘yin ko‘rsatgan Konte shogirdlari, o‘z imkoniyatlaridan to‘g‘ri foydalana olmadi. Ikkinchi taym oxirrog‘iga kelib, aniqrog‘i 77 daqiqada nihoyat Matteo Darmian milanliklarni hisobda oldinga olib chiqdi. Mazkur hisob uchrashuv oxirigacha saqlanib qoldi va "Inter" yetakchiligini saqlab qoldi. Hozirda 30-turdan so‘ng, 74 ochko bilan A Seriya jadvalida yetakchilik qilmoqda.

"Inter" - "Kalyari" 1:0

Gol: Darmian (77)

"Juzeppe Meassa" stadioni

"Inter": Xandanovich, Darmian (D`Ambrozio, 84), Bastoni, de Vrey, Yang (Xakimi, 70), Sensi (Vesino, 81), Eriksen (Galyardini, 81), Sanches (Martines, 70), Brozovich, Shkrinyar, Lukaku.

"Kalyari": Vikario, Godin, Karboni, Rugani (Simeone, 84), Dzappa (Cherri, 90), Nandes, Marin, Nainggolan, Dankan (Asamoa, 72), Joao Pedro, Pavoletti (Pereyro, 90).

Ogohlantirishlar: Brozovich (52), Nainggolan (90).